នេះបើយោងតាមសំដី ប្រមុខរដ្ឋាញភិបាលកម្ពុជា និងលោកឧកញ្ញ៉ា គឹម សាវុធ ប្រធានសហព័ន្ធអ្នកនាំអង្ករចេញកម្ពុជា និងជាអគ្គនាយកក្រុមហ៊ុនខ្មែរហ្វ៊ូត បានមានប្រសាសន៍ប្រាប់បណ្តាញព័ត៌មានក្នុងស្រុកនាពេលថ្មីៗនេះ ។
លោកឧកញ៉ា គឹម សាវុធ បានបន្តថាសហគមន៍អឺរ៉ុបគឺជាទីផ្សារនាំអង្ករចេញដ៏ធំរបស់កម្ពុជា ដោយសារតែមានការអនុគ្រោះពន្ធនាំចូលដល់កម្ពុជា។ ម្យ៉ាងវិញទៀតការធ្វើ សមា ហរណ កម្ម សេដ្ឋកិច្ចដោយសេរីនៅក្នុងឆ្នាំ២០១៥ នៅក្នុងតំបន់អាស៊ានក៏ជាក្តីកង្វល់មួយសម្រាប់ឧស្សាហកម្មស្រូវអង្ករកម្ពុជាផងដែរព្រោះថាប្រទេសនៅក្នុងតំបន់ដែលនៅជិតខាងរបស់កម្ពុជា ដូចជាប្រទេសវៀតណាម និងថៃអាចមកប្រមូលទិញស្រូវអង្កររបស់កម្ពុជាដោយមិនចាំបាច់បង់ពន្ធឡើយ ។ ទោះជាយ៉ាងណាលោកឧកញ៉ាបន្ថែមថាប្រសិនប្រជាកសិករខិតខំធ្វើស្រូវ ក្រអូបឲ្យបានច្រើននោះឧស្សាហកម្មនាំចេញអង្កររបស់កម្ពុជាអាចនិង ទទួលបានទីផ្សារកាន់តែធំនៅលើពិភពលោក។
លោកបន្តថា នៅពេលដែលកម្ពុជាឆ្លងផុតពីប្រទេសដែលអភិវឌ្ឍន៍តិចតួចហើយនោះ កម្ពុជានិងត្រូវធ្វើការប្រកួតដោយស្មើភាពជាមួយប្រទេសផ្សេងៗដូចជា ប្រទេសថៃ ប្រទេសវៀតណាម ក៏ប៉ុន្តែបើប្រៀបធៀបប្រទេសកម្ពុជា ជាមួយប្រទេសជិតខាងដូចជា ថៃ និងវៀតណាមនោះ គ្រាន់តែផ្នែកហេដ្ឋារចនាសម្ព័ន្ធមួយកម្ពុជាចាញ់គេដាច់ទៅហើយដូចនេះ វាជាបញ្ហាប្រឈមដ៏ធំមួយសម្រាប់កម្ពុជា។
លោកបន្ថែមថា ចាប់ពីឥឡូវនេះរហូតដល់ឆ្នាំ២០១៥ ម្ចាស់សហគ្រិនទាំងអស់ត្រូវតែប្រឹងបង្កើនសមត្ថភាព និងធនធានគ្រប់ប្រ-ភេទដើម្បីដល់ក្រោយឆ្នាំ២០១៥ យើងអាចប្រកួតប្រជែងដោយស្មើភាពជាមួយប្រទេសជិតខាង។
ក្រោយឆ្នាំ២០១៥នោះយើងក៏ប្រឈមជាមួយនឹងចរាចរទំនិញទៅមកដោយសេរីនៅក្នុងតំបន់ អាស៊ានដូចនេះភាពប្រកួតប្រជែងមួយដ៏ធំនឹងកើតមានឡើង។ ដូចនេះបើយើងមិនប្រឹងដោយខ្លួនឯងទេនោះយើងនឹងក្លាយទៅជាអ្នកចែកចាយ ផលិតផល បរទេសហើយតែវាជារឿងល្អមួយសម្រាប់កសិករកម្ពុជាដែលមានឱកាសក្នុង ការនាំយកផលិតផលស្រូវ អង្កររបស់ខ្លួនទៅឲ្យបរទេសណាក៏បាន តែប្រទេសមួយរីកចម្រើនទៅបានចាំបាច់ត្រូវតែមានផលិតផលសម្រេចរបស់ខ្លួនសម្រាប់នាំចេញ។
ថ្មីៗនេះរដ្ឋាភិបាលថៃមានគម្រោងបង្កើតតំបន់ពាណិជ្ជកម្មអង្ករ ក្នុងបណ្ដាខេត្តបួននៅភាគខាងកើតប្រទេសថៃ ដើម្បីកែច្នៃអង្ករកម្ពុជាសម្រាប់ការនាំចេញទៅកាន់ប្រទេសដទៃទៀត។
លោក គង់ ពុទ្ធារ៉ា ប្រធាននាយកដ្ឋានស្ថិតិនៃក្រសួងពាណិជ្ជកម្មស្វាគមន៍យុទ្ធសាស្ត្រទិញ ស្រូវពីកម្ពុជារបស់ថៃដោយលើកឡើងថាបញ្ហាភាគច្រើននៃវិស័យកសិកម្ម កម្ពុជាកើតមកពីទីផ្សារមិនមែនមកពីផលិតផលទេ ។ លោកបន្ថែមថា ក្នុងរយៈពេលខ្លីមិនមានការព្រួយបារម្ភទេព្រោះវានឹងជួយកសិករ ឲ្យទទួលបានការព្រមព្រៀងតម្លៃ។ បើទិញកាន់តែច្រើនតម្លៃកើនឡើងដូច្នេះការផ្ដល់បច្ចេកទេស និងឥណទាន ក្នុងវិស័យកសិកម្មនឹងកាន់តែប្រសើរឡើង ព្រោះរដ្ឋាភិបាលមិនមានថវិកាគ្រប់គ្រាន់ដើម្បីទិញស្រូវទាំងអស់នោះ ពីកសិករទេដូច្នេះហើយបានជាមានការនាំចេញស្រូវទៅបណ្ដាប្រទេសជិតខាង ដូចជា វៀតណាម និងថៃ។លោកឧកញ៉ា គឹម សាវុធ បានឲ្យដឹងថាៈ នៅក្នុងត្រីមាសទី១ ឆ្នាំ ២០១៣នេះ និងសម្រេចបានចំនួន ៨.៥០០តោន គឺមានការកើនឡើង១០០ភាគរយបើប្រៀបធៀបរយៈពេលដូចគ្នាកាលពីឆ្នាំ ២០១២។ តាមការរំពឹងទុកការនាំចេញអង្ករនៅឆ្នាំ ២០១៣ នេះអាចសម្រេចបាន ៣៤ ម៉ឺនតោន ដែលកំណើន នេះនឹង ធ្វើឲ្យផែនការនាំចេញអង្ករសម្រេចបាន ១ លានតោននៅក្នុងឆ្នាំ២០១៥។
ប្រមុខរាជរដ្ឋាភិបាលកម្ពុជាសម្តេចតេជោ ហ៊ុន សែន នៅក្នុងសន្និសីទស្ដីពីទស្សនវិស័យកម្ពុជា២០១៣ ដែលផ្ដោតលើប្រធានបទ «ធានាអនាគតកម្ពុជាៈ ស្បៀងថាមពល និងធនធានធម្មជាតិ» បានមានប្រសាសន៍ថាៈ បច្ចុប្បន្ននេះកម្ពុជាកំពុងតែស្ថិតនៅចំណុចដ៏សំខាន់ក្នុងដំណើរ ការអភិវឌ្ឍន៏ សង្គម សេដ្ឋកិច្ច កម្ពុជា ដោយយើងកំពុងបន្ដលើជោគជ័យកន្លងមក និងរំកិលបន្ដិចម្ដងៗឈានពីប្រទេសអភិវឌ្ឍន៍តិចតួចទៅជាប្រទេសមាន ប្រាក់ចំណូលមធ្យមកម្រិតទាបនៅឆ្នាំ២០១៥-២០១៦។
គោលនយោបាយនានាដែលត្រូវអនុម័ត និងយុទ្ធសាស្ដ្រដែលត្រូវអនុវត្ដក្នុងក្របខ័ណ្ឌ យុទ្ធសាស្ដ្រចតុកោណថ្មី និងផែនការយុទ្ធសាស្ដ្រអភិវឌ្ឍន៍ជាតិ ២០១៤-២០១៨ ដែលឯកសារទាំងពីរកំពុងត្រូវបានរៀបចំឡើង និងជោគជ័យនៃការបង្កើតសហគមន៍សេដ្ឋកិច្ចអាស៊ានឆ្នាំ២០១៥ជាកត្ដាកំណត់នូវជោគជ័យក្នុងការសម្រេចសេចក្ដីប្រាថ្នារបស់ជាតិយើង។
សម្តេចតេ ជោ ហ៊ុន សែន ក៏បានសម្តែងការព្រួយបារម្ភផងដែរថាៈ នៅពេលដែលកម្ពុជាឆ្លងផុតពីឋានៈជាប្រទេសមានការអភិវឌ្ឍន៏តិចតួចនោះ ប្រទេសកម្ពុជាអាចនឹងលែងខ្ចីប្រាក់ពីបណ្តាស្ថាប័នហិរញ្ញវត្ថុ អន្តរជាតិមកអភិវឌ្ឍន៍ប្រទេសជាកម្ចីសម្បទានទៀតហើយវានឹងទៅជា កម្ចីដែលមានការប្រាក់ពាណិជ្ជកម្មដែលកម្ពុជាមិនអាចខ្ចីបានឡើយ៕ ចេម ហួត
ប្រភព៖ Cambodia Toda
y
Post a Comment