បើមើលតាមរូបខាងលើនេះ ឃើញថាមានការខុសប្លែកគ្នានឹង icon របស់ iOS 7 Beta ដែលក្រុមហ៊ុនបានបង្ហាញនៅសន្និសីទ WWDC 2013 ថ្មីៗកន្លងទៅនេះ។ ៤ icon កម្មវិធីរួមមាន Weather, Passbook, Reminder និង Photo សុទ្ធតែត្រូវបានឌីហ្សាញថ្មី។ បើមើលឱ្យលំអិតនោះ ប្រិយមិត្តនឹងបានឃើញពីភាពខុសប្លែកគ្នាបន្តិចប៉ុណ្ណោះជាមួយនឹង iOS 7 Beta។
សម្រាប់ icon របស់កម្មវិធី Weather ប្រែពីរូបដុំពពក និងព្រះអាទិត្យ មកជាលេខសីតុណ្ហភាពវិញគឺមានលេខ ៧៣អង្សារ។ រីឯ Passbbok, Reminder និង Photo ទាំង៣ icon នេះហាក់ពុំមានការប្ដូរច្រើនឡើយ គឺគ្រាន់តែបន្ថែមឆ្នូតខ្សែបែងក្រឡាបួនជ្រុង និងមានអង្កត់ទ្រូងគូសកាត់ខ្វែង។ ទាំងនេះមានការសន្និដ្ឋានឡើងថា រូប icon ទាំងនេះប្រាកដជាប្រើសម្រាប់ iOS 7 ចេញចុងក្រោយឱ្យប្រើជាផ្លូវការពុំខាន។
Apple បានប្រកាស iOS 7 Beta នៅក្នុងសន្និសីទ WWDC 2013 កាលពីថ្ងៃច័ន្ទដើមសប្ដាហ៍នេះ។ iOS 7 នឹងប្រើបាននៅលើ Smart Device ដូចជា៖ iPhone 5, 4S, 4, iPad 2/3/4, iPad mini និង iPod touch 5។ ប្រព័ន្ធប្រតិបត្តិការថ្មីនេះនឹងដាក់ឱ្យប្រើបាននៅអំឡុងចុងត្រីមាសទី៣ ឬអាចឈានដល់ត្រីមាសទី៤ (កញ្ញា-វិច្ឆិកា) ស្របពេលដែល iPhone 5S បង្ហាញខ្លួនដែរ។ ដោយឡែក iOS 7 នៅខណៈនេះគឺអាចប្រើបានសម្រាប់តែ Developer ប៉ុណ្ណោះ។
ប្រភព៖ Sabay News
Post a Comment