យ៉ាងណាមិញ ក្រឡេកមកមើលសម័យបច្ចុប្បន្នវិញ មានបុរសមួយចំនួនមានអាយុស្ទើរពាក់កណ្ដាលជីវិតទៅហើយ ប៉ុន្ដែពួកគេបែរជាមិនព្រមស្វែងរកដៃគូរប្រចាំជីវិតសោះ ដោយសារតែពួកគេបានព្យាករណ៍អំពីបញ្ហាប្រឈមក្រោយពេលរៀបអាពាហ៍ពិពាហ៍។ ចំណែកបុរសមួយចំនួនទៀត ទម្រាំតែបានរៀបអាពាហ៍ពិពាហ៍ ពួកគេបានត្រៀមលក្ខណៈរួចរាល់ទៅហើយ ដោយពួកគេបានប្រឹងប្រែងធ្វើការសន្សំប្រាក់ មានកន្លែងធ្វើការជាអចិន្ដ្រៃយ៍ និងមានឆន្ទៈក្នុងការរស់នៅជាមួយគ្រួសារថ្មី ក៏ដូចជាទំនួលខុសត្រូវចំពោះកូនដែលនឹងចាប់បដិសន្ធិក្នុងរង្វង់គ្រួសាររបស់ខ្លួន។
តើបុរសត្រូវត្រៀមលក្ខណៈសម្បត្តិយ៉ាងណាខ្លះមុននឹងសម្រេចចិត្តបង្កើតគ្រួសារ?
តាមការសិក្សាស្រាវជ្រាវ និងសង្កេតទៅលើស្ថានភាពបច្ចុប្បន្ន បុរសមួយចំនួនបានបង្ហាញនូវទស្សនៈប្រហាក់ប្រហែលគ្នាចំពោះកត្តាមួយចំនួន មុននិងក្រោយពេលដែលពួកគេបង្កើតគ្រួសារ ដោយក្នុងនោះរួមមានៈ
តាមការសិក្សាស្រាវជ្រាវ និងសង្កេតទៅលើស្ថានភាពបច្ចុប្បន្ន បុរសមួយចំនួនបានបង្ហាញនូវទស្សនៈប្រហាក់ប្រហែលគ្នាចំពោះកត្តាមួយចំនួន មុននិងក្រោយពេលដែលពួកគេបង្កើតគ្រួសារ ដោយក្នុងនោះរួមមានៈ
ការងារៈ សម័យនេះប្រសិនបើគ្មានការងាររឹងម៉ាំមួយសម្រាប់ខ្លួនទេ បុរសភាគច្រើនមិនដែលគិតដល់រឿងបង្កើតគ្រួសារឡើយ ព្រោះពួកគេយល់ថា ប្រសិនបើគ្មានការងារទោះទៅដណ្ដឹងកូនគេ ក៏គេមិនឲ្យដែរ។ ម្យ៉ាងទៀត ការងារគឺជាប្រភពចំណូលអចិន្ដ្រៃយ៍មួយសម្រាប់ខ្លួនគេ និងសម្រាប់គ្រួសារ ដូច្នេះប្រសិនបើការងារកាន់តែដំណើរការរលូន នោះពួកគេនឹងគិតគូរអំពីរឿងបង្កើតគ្រួសារ។
ប្រាក់កាសៈ ប្រសិនបើមានការងារហើយ មិនមានប្រាក់កាសខ្លះក្នុងខ្លួន ក៏បុរសមិនមានចំណង់ក្នុងការបង្កើតគ្រួសារឡើយ ត្បិតពួកគេខ្លាចទទួលរងនូវការមើលងាយពីសំណាក់ម្ដាយឪពុកក្មេក ឬសាច់ញាតិខាងស្រី ដោយហេតុថា ធ្វើការយូរឆ្នាំហើយបែរជាមិនចេះសន្សំទុកដាក់ជាដើម។
ការព្រមព្រៀងៈ កាលពីសម័យមុន ប្រសិនបើម្ដាយឪពុកខាងស្រីយល់ព្រមលើកកូនទៅឲ្យខាងប្រុសហើយ នោះកូនស្រីត្រូវតែអនុវត្តតាមការសម្រេចចិត្តរបស់ឪពុកម្ដាយ។ ប៉ុន្ដែសម័យបច្ចុប្បន្នគឺមិនដូចគ្នាឡើយ ព្រោះថានៅពេលដែលឪពុកម្ដាយខាងស្រីយល់ព្រមលើកកូនទៅឲ្យខាងប្រុស នោះមិនប្រាកដថាកូនស្រីត្រូវតែធ្វើតាមការសម្រេចចិត្តរបស់ឪពុកម្ដាយឡើយ ត្បិតសម័យនេះ សិទ្ធិមនុស្សត្រូវបានផ្សព្វផ្សាយយ៉ាងទូលំទូលាយ ហើយក្មេងៗសម័យនេះក៏ចេះគិត និងចេះដឹងច្រើនអំពីបញ្ហានេះដែរ។ ដូច្នេះបុរសសម័យនេះ មុននឹងសម្រេចចិត្តបង្កើតគ្រួសារ លុះត្រាតែពួកគេបានដឹងថា ខាងស្រីគេព្រមទទួលយកខ្លួនដោយសុទ្ធចិត្ត មិនមែនដោយការបង្ខំពីឪពុកម្ដាយ ត្បិតការរស់នៅជាលក្ខណៈប្ដីប្រពន្ធត្រូវតែស្រឡាញ់គ្នាមួយជីវិត ចុះបើខាងស្រីមិនស្រឡាញ់ផង តើបង្កើតគ្រួសារបានប្រយោជន៍អ្វី?
ចិត្តគំនិតៈ មុននឹងបង្កើតគ្រួសារ បុរសៗភាគច្រើនត្រូវទទួលស្គាល់ខ្លួនឯងថាមានភាពចាស់ទុំច្រើន និងគិតគូរយ៉ាងហ្មត់ចត់អំពីអនាគតគ្រួសាររបស់ខ្លួន ដោយគេបានកាត់បន្ថយនូវការដើរលេង ការចាយវាយ និងផ្ចង់អារម្មណ៍ទៅលើការប្រឹងប្រែងរកស៊ីចិញ្ចឹមគ្រួសារ។ បន្ថែមទៅទៀតនោះ ពួកគេក៏បានគិតអំពីការថែរក្សាសុភមង្គលក្នុងគ្រួសារផងដែរ ត្បិតក្រោយរៀបការរួចរឿងរ៉ាវឈ្លោះគ្នារវាងប្ដីប្រពន្ធ វារមែងកើតមានឡើង គ្រាន់តែតិច ឬច្រើនប៉ុណ្ណោះ ហើយប្រសិនបើបុរសៗមានភាពចាស់ទុំ និងមានទំនោរក្នុងការដោះស្រាយបញ្ហានោះគឺជារឿងដ៏ប្រសើរបំផុត។
របត់គំនិតនាសម័យនេះហាក់បង្ហាញឲ្យឃើញថា មនុស្សសម័យបច្ចុប្បន្នមានការយកចិត្តទុកដាក់ច្រើនចំពោះការបង្កើតគ្រួសារថ្មីផ្ទាល់ខ្លួន ខុសទៅនឹងចាស់ៗជំនាន់មុនដែលគិតថាការបង្កើតគ្រួសារគឺជារឿងសាមញ្ញត្បិតក្រោយពេលរៀបការ ពួកគេគិតគូរតែលើបញ្ហាជីវភាពប្រចាំថ្ងៃប៉ុណ្ណោះ ហើយមនុស្សសម័យបច្ចុប្បន្នបានគិតគូរដល់អនាគតជាជាងស្ថានភាពរស់នៅប្រចាំថ្ងៃក្រោយពេលបង្កើតគ្រួសារ
ប្រភព៖ ABC Non stop
Post a Comment