ក្រោយមានពាក្យ
ចចាមអារ៉ាមជាហូរហែមក Apple ដែលមានមូលដ្ឋាននៅទីក្រុង CUPERTINO រដ្ឋកាលីហ្វ័រញ៉ា បានបង្ហាញ iPad ថ្មីពីរម៉ូដែល គឺ iPad Air 2 និង iPad Mini 3 កាលពីយប់មិញនេះ។
ក្រុមហ៊ុន Apple បានឱ្យដឹងថា iPad Air 2 ស្ដើងជាងមុន១៨% និងលឿនជាងមុន៤០% ដែលជាការផ្លាស់ប្ដូរគួរឱ្យភ្ញាក់ផ្អើលមួយ។
iPad Air 2 ត្រូវគេអភិវឌ្ឍន៍កាមេរ៉ា អេក្រង់ (ជួយកាត់បន្ថយ Reflections) ប៉ុន្តែថាមពលថ្មរបស់វា កាន់បាន១០ម៉ោងដូចស៊េរីមុនដែរ។
មិនតែប៉ុណ្ណោះ Apple ក៏បានបន្ថែម Sensor ស្កេនក្រយៅដៃហៅថា Touch ID លើផលិតផលទាំងពីរផងដែរ។ បច្ចេកវិទ្យានេះ អាចប្រើ Log ចូលកន្លែង Passcode អាចទិញ កម្មវិធី ជាមួយប្រព័ន្ធបង់ប្រាក់ថ្មីរបស់ Apple គឺ Apple Pay ដែលនឹងអាចប្រើបាន នៅថ្ងៃច័ន្ទអាទិត្យក្រោយ។ ចំណែក iOS 8.1 មានដំណើរការលើស្មាតហ្វូននោះ ក៏អាចប្រើបាននៅថ្ងៃច័ន្ទដែរ។
iPad Air 2 មានតម្លៃលក់ចាប់ពី
៥០០ដុល្លារឡើង ខណៈ iPad Mini 3 ចាប់ពី
៤០០ដុល្លារឡើង ប៉ុន្តែវាមិនស្ដើងជាងស៊េរីមុនទេ។ iPad ទាំងពីរម៉ូដែលនេះ នឹងមានលក់នៅ
ថ្ងៃទី២៤ ខែតុលា ឆ្នាំ ២០១៤ ខាងមុខ។
បើយោងតាមក្រុមហ៊ុនវិភាគស្រាវជ្រាវ IDC នៅត្រីមាសទី២ឆ្នាំនេះ អត្រាលក់ iPad របស់ Apple ធ្លាក់ចុះ៩,៣% ប្រៀបធៀបរយៈពេលដូចគ្នាកាលពីឆ្នាំមុន។ ឆ្នាំ២០១៣ការចែកចាយ iPad ទូរទាំងពិភពលោក មានចំនួន
២០៧លានគ្រឿង កើន៥៥%៕
iPad Air 2
Apple iPad Air 2 (ឆ្វេង) និង iPad Mini 3 (ស្ដាំ)
7:49 PM
