ព្រឹត្តិការណ៍ដ៏ធំមួយទៀតរបស់Apple ដែលប្រិយមិត្តកំពុងតែរង់ចាំនឹងមកដល់នៅយប់នេះហើយ។ នោះជាព្រឹត្តិការណ៍ធំទីពីរ(បន្ទាប់ពីiPhone 6/6 Plus) ដែលវត្តមានត្រកូលTablet ទាំងពីរម៉ូដែលរបស់Apple (iPad Air 2និងiPad Mini 3) នឹងត្រូវប្រកាសជាផ្លូវការ។
កន្លងមកមានព័ត៌មានមួយចំនួនបានចុះផ្សាយជាហូរហែអំពីទាំងរូបរាងនិង Specs បែកធ្លាយរបស់iPad ស៊េរីថ្មីទាំងពីរម៉ូដែល។ ជាក់ស្ដែងថ្ងៃនេះមានព័ត៌មានមួយដែលបានបែកធ្លាយចេញiTune Store (រូបខាងក្រោម) របស់Apple តែម្ដងដែលបានបង្ហាញពីTouch ID Fingerprint នៅលើiPad ទាំងពីរម៉ូដែល។
Touch ID Fingerprint នៅលើ iPad Air 2 និង iPad Mini 3ដែលបានបែកធ្លាយពី iTune Store របស់Apple
ក្រៅពីiPad Air 2 និងiPad Mini 3 ឮថាក្រុមហ៊ុនយក្សអាមេរិកមួយនេះនឹងប្រកាសកុំព្យូទ័រលើតុដ៏ស្រស់ស្អាត iMac អក្រង់២៧អ៊ីញ(With Retina Display), Apple TV និងប្រព័ន្ធប្រតិបត្តិការជំនាន់ថ្មី OS X Yosemite (Version 10.10)។
ព្រឹត្តិការណ៍ធំនេះនឹងធ្វើឡើងនៅម៉ោង ១០ព្រឹកក្នុងទីក្រុង San Francisco សហរដ្ឋអាមេរិកដែលត្រូវនឹងម៉ោង ១២យប់រំលងអាធ្រាត្រនៅកម្ពុជា។ សម្រាប់ព័ត៌មានបន្ថែមសូមតានដានព្រឹត្តិការណ៍ដ៏ធំនេះជាមួយSabay ទាំងអស់គ្នា៕ អានព័ត៌មានសំខាន់ៗ
Post a Comment