ថ្មីៗ​នេះ​ក្រុមហ៊ុន​អាមេរិក Satples បាន​ដាក់​លក់​ម៉ាស៊ីន​ព្រីន​ដ៏​ទំនើប​អស្ចារ្យ​អាច​ព្រីន​ឯកសារ​ចេញ​មក​ជា​សម្ភារៈ ប្រើប្រាស់​ផ្សេងៗ​បាន​ទៅ​តាម​តម្រូវការ​មួយ​ចំនួន។ ម៉ាស៊ីន​នេះ​ត្រូវ​បាន​ក្រុមហ៊ុន​ដាក់​លក់​លើ​គេហទំព័រ​របស់​ខ្លួន​ជា​មួយ​តម្លៃ ១៣០០ដុល្លារអាមេរិក។
3D Printer ព្រីន​ចេញ​ជា​រូបធាតុជ័រ
3-D Printer ប្រាកដ​ជា​ម៉ាស៊ីន​ព្រីន​យ៉ាង​ទំនើប​បំផុត ហើយ​នឹង​មាន​តម្រូវ​ការ​កាន់​តែ​ខ្លាំង​ឡើងៗ​នា ពេល​អនាគត​ជា​មិន​ខាន។ តាម​រយៈ​ម៉ាស៊ីន​ដ៏​ទំនើប​អស្ចារ្យ​នេះ​អាច​ឱ្យ​គេ​ព្រីន​ចេញ​ជា​សម្ភារៈ​ច្រើន​ប្រភេទ​បាន​ដូច​ជា៖ របស់​របរ​ប្រើប្រាស់​ផ្សេងៗ, ប្រដាប់ប្រដា​ក្មេង​លេង និង​ឧបករណ៍​ផ្សេងៗ​ទៀត​រចនា​បន្ថែម​ដើម្បី​បំពេញ​តាម​តម្រូវការ។
ពពួក​ម៉ាស៊ីន​ព្រីន​ជា​រូបរាង 3D បាន​នេះ មាន​តម្លៃ​រាប់​ម៉ឺន​ដុល្លារ​ឯណោះ​នៅ​ពេល​ចេញ​លក់​ដំបូង។ តែ​ក្រោយ​មក​តម្លៃ​របស់​វា​មាន​ការ​បន្ធូរបន្ថយ​មក​នៅ​តម្លៃ​ទាប​ជាង​មុន​វិញ ជាក់​ស្ដែង printer របស់​ក្រុមហ៊ុន Staples ខាង​លើ​នេះ​តម្លៃ ១៣០០ដុល្លារ​ប៉ុណ្ណោះ។ ម៉ាស៊ីន​នេះ​មាន​គំរូ​ព្រីន​ជា​ស្រេច​ចំនួន 25 template សម្រាប់​ការ​បង្កើត​ជា​រូបរាង 3D-Item។ ក្រុមហ៊ុន​ក៏​មាន​លក់​ផង​ដែរ​នូវ ដប​ទឹក​ថ្នាំ (cartridge) សម្រាប់​ប្រើ​ជា​មួយ​ម៉ាស៊ីន​នេះ។
Staple 3D Printing ខាង​លើ​អាច​ប្រើ​បាន​ជា​មួយ​ប្រព័ន្ធ​ប្រតិបត្តិការ​ស៊េរី Windows ឬ Mac។ ឥឡូវ​នេះ​ក្រុមហ៊ុន​បាន​ដាក់​លក់​អនឡាញ​ហើយ​នៅ​លើ​គេហទំព័រ Staple.com ជា​មួយ​តម្លៃ ១៣០០ដុល្លារ​អាមេរិក។
នៅ​មាន​ផលិតផលបច្ចេកវិទ្យា​ថ្មីៗ​ជា​ច្រើន​ទៀត សូម​ចុច​ត្រង់​នេះ ដើម្បី​តាមដាន​បន្ត…
ប្រែ​សម្រួល៖ ឈុន ហួរ
ប្រភព & រូបភាព៖ geeky-gadgets