តារាង​ចម្រៀង​ប៉ុប​ដ៏​ល្បី Justin Bieber បាន​រង​នូវ​ការ​បង្ហោះ​រូប​លាយ​លំ​នឹង​ការ​បង្កាច់បង្ខូច​ថា Bieber ជា​មនុស្ស​ភេទ​ទី៣ ចេញ​ពី​គណនី Twitter មួយ​ឈ្មោះ​ថា E! Online កាល​ពី​ថ្ងៃ​សៅរ៍ ទី០៤ ម្សិលមិញ​នេះ។
គណនី E! Online ត្រូវ​បាន​ក្រុម hacker មួយ​ក្រុម hack ចូល​និង​បាន​បង្ហោះ​ព័ត៌មាន​មិន​ល្អ​ទាក់ទិន​នឹង Justin Bieberដោយ​បាន​អួត​ខ្លួន​ថា​មាន​ឈ្មោះ Syrian Electronic Army (SEA)។ មិន​តែ​ប៉ុណ្ណោះ E! Online នេះ​បាន​អះអាង​នឹង​បន្ត​ចេញ​ព័ត៌មាន​ដែល​មិន​ធ្លាប់​មាន​នរណា​ដឹង​ពី Bieber ទៀត​ក្នុង​ពេល​ឆាប់ៗ​ខាង​មុខ​ទៀត​នេះ។
============================================================
Hacker បាន​បង្ហោះ​រូបថត Bieber ជា​មួយ​ឃ្លា​អក្សរ​មួយ​ថា ខ្ញុំ​ជា​មនុស្ស​ខ្ទើយ (I’m a gay)”។ គណនី​ដែល​ត្រូវ​បាន hack នេះ​បាន​ចែកចាយ tweet ទៅ​កាន់​គណនី​រហូត ១២០០គណនី​បន្ត​ទៀត និង​បាន​ដាក់​ជា​សញ្ញា​សំគាល់​ចំនួន 351 favorite ផង​ដែរ។
ទោះ​ជា​យ៉ាង​ណា អ្នក​នាំ​ពាក្យ​របស់ Bieber មិន​ទាន់​អាច​ឆ្លើយ​បំភ្លឺ​បាន​នៅ​ឡើយ​ទេ​កាល​ពី​ថ្ងៃ​សៅរ៍​ម្សិលមិញ​នេះ ខណៈ​តារាង​ចម្រៀង​ដ៏​ល្បី​វ័យ​ក្មេង ១៩ឆ្នាំ​នេះ​បាន​ទៅ​សំដែង​នៅ​ឯ​ក្រៅ​ប្រទេស​គឺ​នៅ​ទីក្រុង​ឌូបៃ​ស្ថិត​ក្នុង​អារ៉ាប់រ៉ូម។
E! Online ជា​គណនី Twitter មួយ​ចុង​ក្រោយ​ក្នុង​ចំណោម​គណនី​ដែល​បាន​ទទួល​រង​ការ​វាយប្រហារ​ពី hacker។ កាល​ពី​ថ្ងៃ​ទី​២៣ ខែ​មេសា កន្លង​ទៅ​ក៏​ធ្លាប់​មាន​ករណី hack ផង​ដែរ​ទៅ​លើ​គណនី Associated Press Twitter។
ចុច​ត្រង់​នេះ ដើម្បី​តាមដាន​ព័ត៌មាន​កម្សាន្ត​ផ្សេងៗ​ទៀត …
ប្រែ​សម្រួល៖ ឈុន ហួរ
ប្រភព & រូបភាព៖ nydailynews