ឆ្នាំងសាកថ្មទូរសព្ទប្រើពន្លឺព្រះអាទិត្យ អស្ចារ្យមិនគួរឲ្យជឿ Trackback

ផ្សាយក្នុងផ្នែក ព័ត៌មានបច្ចេកវិទ្យា ដោយ um.sopheak កាលពី 1 day ago One Comment

ថ្មីៗនេះ Sabay បានបង្ហាញប្រិយមិត្តម្ដងហើយ អំពីឆ្នាំងសាកថ្មទូរសព្ទមួយប្រភេទដំណើរការដោយទឹក។ ម្ដងនេះដើម្បីឱ្យកាន់តែប្លែក Sabay សូមលើកយកឆ្នាំងសាកមួយប្រភេទផ្សេងទៀត ដែលដំណើរការដោយប្រើពន្លឺព្រះអាទិត្យ។

គេហទំព័រ Yankodesign បានចុះផ្សាយថា ឆ្នាំងសាកនេះមានឈ្មោះ Window Socket។ វាជាប្រភេទឆ្នាំងសាក ប្រើបន្ទះសូឡា ដើម្បីស្រូបយកពន្លឺព្រះអាទិត្យ។
ជនជាតិជប៉ុន លោក Kyuho Song និង Boa Oh ដែលជាអ្នករចនាម៉ូត បានគូសបញ្ជាក់ថា Window Socket ធ្វើពីជ័រ និង ប្លាស្ទិក។ ចំណែកខាងក្នុងមានបន្ទះសូឡា សម្រាប់ស្រូបយកពន្លឺព្រះអាទិត្យ ដោយគ្រាន់តែជប់ជាប់កញ្ចក់ទ្វារឬបង្អួចប៉ុណ្ណោះ នោះវានឹងមានភ្លើងជាមិនខាន។ មន្ទាប់មកវាបម្លែងទៅជាថាមពលអគ្គីសនី។
កាន់តែទាន់ចិត្តនោះ វាអាចសាកថ្មបានពេញក្នុងរយៈពេលតែ ៥ ទៅ ៨ ម៉ោង និងអាចផ្ទុកភ្លើងបានរយៈ១០ម៉ោងទើបអស់។ មិនតែប៉ុណ្ណោះ លោកអ្នកអាចយកវាដាក់ តាមខ្លួន សាកបានគ្រប់ទីកន្លែង និងគ្រប់ពេលវេលា។

ចុចត្រង់នេះដើម្បីតាមដានព័ត៌មានបច្ចេកវិទ្យាថ្មី
ប្រែសម្រួល៖ ឌូគូ
ប្រភព៖ yankodesign