សង្គ្រាមលើវាលស្មៅនៃកីឡដ្ឋានជាតិអង់គ្លេស Wembley Stadium ដើម្បីដណ្ដើមពានរង្វាន់ UEFA Champions League រដូវកាល២០១២-១៣រវាងក្លិបពីរមកពីអាល្លឺម៉ង់គឺ Bayern Munich និង Borussia Dortmund នឹងឈានមកដល់នៅម៉ោង១:៤៥រំលងអាធ្រាត្ររាត្រីថ្ងៃសៅរ៍នេះហើយ។ តាមរយៈព័ត៌មានលេខមុនរបស់ Sabay ប្រិយមិត្តបានដឹងហើយសត្វដំរីមួយក្បាលរបស់អាល្លឺម៉ង់ឈ្មោះ Nelly ទាយថាក្រុម Bayern Munich នឹងក្លាយជាជើងឯក។ តើក្រុម Borussia Dortmund នឹងចាញ់ដូចការឱ្យហេតុរបស់ដំរីមួយក្បាលនេះឬទេ? ចង់ដឹងថាឆុតឬមិនឆុត មានតែចាំមើលទាំងអស់គ្នា ប៉ុន្តែជាដំបូងសូមមើលព័ត៌មានត្រួសៗនៃក្រុមទាំងពីរខាងក្រោមនេះសិន គ្រាន់នឹងព្យាករលេងៗ!
ព័ត៌មានជើងកីឡាករ
សម្ដីអ្នកចាត់ការ
Juergen Klopp (Dortmund)៖ “នេះជាការប្រកួតដ៏ពិសេស។ វាមិនមែនជាការប្រកួតធម្មតាឡើយ ព្រោះវាជាពានរង្វាន់ក្លិបបាល់ទាត់អាជីព(Cup)ធំជាងគេបំផុតលើ លោក។ វាជាជំនួបរវាងក្រុមខ្លាំងពីរដែលនឹងត្រូវគេមើលទូទាំងពិភពលោក។ យើងត្រូវតែលេងឱ្យបានល្អ បើមិនដូច្នោះទេយើងគ្មានឱកាសលើកពានទេ។ យើងត្រូវតែខិតខំឱ្យអស់ពីសមត្ថភាព ព្រោះយើងមានឱកាសនេះតែម្ដងទេ”។
Jupp Heynckes (Bayern)៖ “សម្រាប់ខ្ញុំ បើយើងនិយាយពីសារៈសំខាន់ ការប្រកួតយប់នេះខុសពី Bundesliga ឬ German Cup ប៉ុន្តែវាជាការប្រកួតបាល់ទាត់ដូចគ្នា។ ថ្ងៃសៅរ៍មុនជាថ្ងៃចុងក្រោយរបស់ខ្ញុំក្នុងនាមជាគ្រូបង្វឹក Bayern Munich ហើយយប់នេះជាឱកាសចុងក្រោយរបស់ខ្ញុំក្នុងការលើកពាន Champions League។ ខ្ញុំតែងតែព្យាយាមគិតក្នុងផ្លូវវិជ្ជមាន ខ្ញុំដឹងពីអ្វីដែលខ្ញុំរបស់ខ្ញុំអាចធ្វើបាន។ ខ្ញុំបាននិយាយបែបនេះតាំងពីមុនពេលជួប Juventus និងBarcelona ម្ល៉េះ ដែលពេលនោះយើងមិនមែនជាក្រុមដែលគេរំពឹងថានឹងឈ្នះពានឡើយ”។
រឿងខ្លះៗដែលគួរដឹង
សម្រាប់ Dortmund ខ្សែការពារ Mats Hummels អាចចូលលេងបាន ទោះបីរបួសកជើងមិនទាន់ជាមួយរយភាគរយក្ដី។ អ្វីដែលលោក Juergen Klopp កំពុងគិតគូជាងគេនោះ គឺតើគួរដាក់នរណាឱ្យរ៉ាប់រងតួនាទីរបស់ខ្សែបម្រើ Mario Goetze ដែលអវត្តមានដោយសាររបួសសរសៃពួរ។ ទន្ទឹមនឹងនេះ ខ្សែបម្រើ Nuri Sahin រំពឹងថានឹងជាប់ជម្រើសដំបូង ស្របពេល Ilkay Gundogan នឹងលេងបម្រើប្រយុទ្ធ ឯ Marco Reus លេងស្លាបឆ្វេង។
ដោយឡែក Bayern Munich គ្មានបញ្ហារបួសកីឡាករឡើយ ពោលគឺពេញជើងតែម្ដង ដូច្នេះជម្រើសដំបូងរបស់លោក Jupp Heynckes រាត្រីនេះទំនងជា៖ Neuer, Lahm, Boateng, Dante, Alaba, Schweinsteiger, Martinez, Robben, Mueller, Ribery, Mandzukic។
Juergen Klopp (Dortmund)៖ “នេះជាការប្រកួតដ៏ពិសេស។ វាមិនមែនជាការប្រកួតធម្មតាឡើយ ព្រោះវាជាពានរង្វាន់ក្លិបបាល់ទាត់អាជីព(Cup)ធំជាងគេបំផុតលើ លោក។ វាជាជំនួបរវាងក្រុមខ្លាំងពីរដែលនឹងត្រូវគេមើលទូទាំងពិភពលោក។ យើងត្រូវតែលេងឱ្យបានល្អ បើមិនដូច្នោះទេយើងគ្មានឱកាសលើកពានទេ។ យើងត្រូវតែខិតខំឱ្យអស់ពីសមត្ថភាព ព្រោះយើងមានឱកាសនេះតែម្ដងទេ”។
Jupp Heynckes (Bayern)៖ “សម្រាប់ខ្ញុំ បើយើងនិយាយពីសារៈសំខាន់ ការប្រកួតយប់នេះខុសពី Bundesliga ឬ German Cup ប៉ុន្តែវាជាការប្រកួតបាល់ទាត់ដូចគ្នា។ ថ្ងៃសៅរ៍មុនជាថ្ងៃចុងក្រោយរបស់ខ្ញុំក្នុងនាមជាគ្រូបង្វឹក Bayern Munich ហើយយប់នេះជាឱកាសចុងក្រោយរបស់ខ្ញុំក្នុងការលើកពាន Champions League។ ខ្ញុំតែងតែព្យាយាមគិតក្នុងផ្លូវវិជ្ជមាន ខ្ញុំដឹងពីអ្វីដែលខ្ញុំរបស់ខ្ញុំអាចធ្វើបាន។ ខ្ញុំបាននិយាយបែបនេះតាំងពីមុនពេលជួប Juventus និងBarcelona ម្ល៉េះ ដែលពេលនោះយើងមិនមែនជាក្រុមដែលគេរំពឹងថានឹងឈ្នះពានឡើយ”។
រឿងខ្លះៗដែលគួរដឹង
នេះជាជំនួបវគ្គផ្ដាច់ព្រ័ត្ររវាងក្រុមរបស់អាល្លឺម៉ង់ទល់នឹងអាល្លឺម៉ង់លើកទី១ក្នុងពានរង្វាន់ក្លិបអាជីពលំដាប់ទី១ទ្វីបអឺរ៉ុប ខណៈជាង១០ឆ្នាំចុងក្រោយធ្លាប់មានក្រុមមកពីប្រទេសដូចគ្នាជួបគ្នាក្នុងវគ្គផ្ដាច់ព្រ័ត្រ៣ដងដែរ គឺក្នុងឆ្នាំ២០០០ ក្រុមរបស់អេស្ប៉ាញ (Real Madrid vs Valencia) ឆ្នាំ២០០៣ក្រុមរបស់អ៊ីតាលី (AC Milan vs Juventus) និងឆ្នាំ២០០៨ក្រុមរបស់អង់គ្លេស (Man Utd vs Chelsea)។
Bayern Munich ធ្លាប់ឈ្នះ៤លើកនិងចាញ់៥លើកក្នុងការឡើងដល់វគ្គផ្ដាច់ព្រ័ត្រ UCL ៩លើកកន្លងមក ខណៈ Borussia Dortmund ធ្លាប់ឡើងដល់វគ្គយកលេខ១លេខ២នេះតែម្ដងគត់ក្នុងឆ្នាំ១៩៩៧ ដែលឆ្នាំនោះពួកគេក្លាយជាជើងឯក។
Dortmund មិនដែលចាញ់ Bayern ឡើយក្នុងជំនួបក្របខ័ណ្ឌ Bundesliga ៦លើកចុងក្រោយ(៣រដូវកាលចុងក្រោយ) ដោយឈ្នះ៤ដង ស្មើ២ដង។ តែក្នុងការជួបគ្នា៤លើកក្នុងរដូវកាល២០១២-១៣ Dortmund ក៏មិនដែលឈ្នះ Bayern ដែរ ពោលគឺ ចាញ់ Bayern ក្នុងពានរង្វាន់ Super Cup និង DFB-Pokal និងស្មើគ្នា២ដងក្នុងលីក។
Bayern Munich ជាក្រុមទី៥ក្នុងប្រវត្តិសាស្ត្រ Champions League ដែលអត់របូតគ្រាប់បាល់សោះក្នុងការប្រកួតវគ្គ៨ក្រុមចុងក្រោយនិងវគ្គ៤ក្រុមចុងក្រោយ (ឈ្នះ Juventus ២-០ ទាំងពីរជើងក្នុងវគ្គ១/៤ និងឈ្នះ Barcelona ៤-០ និង ៣-០ ក្នុងវគ្គ១/២)។
នេះជាលើកទី៣ដែលលោកគ្រូបង្វឹក Jupp Heynckes នាំក្រុមដែលលោកបង្វឹកឡើងដល់វគ្គផ្ដាច់ព្រ័ត្រ Champions Leauge។ ក្នុងឆ្នាំ១៩៩៨ គ្រូបង្វឹកសញ្ជាតិអាល្លឺម៉ង់រូបនេះនាំ Real Madrid ឱ្យក្លាយជាជើងឯក ហើយកាលឆ្នាំទៅ(២០១១-១២) នាំ Bayern ដល់វគ្គផ្ដាច់ព្រ័ត្រតែចាញ់ Chelsea។
Bayern អាចក្លាយជាក្លិបរបស់អាល្លឺម៉ង់ដំបូងគេដែលឈ្នះពាន៣ម្នាក់ឯងក្នុងមួយរដូវកាល (league និង cup ក្នុងស្រុក និង Champions League ) កន្លងមកមានក្លិបនៅទ្វីបអឺរ៉ុប៦ហើយដែលធ្វើបែបនេះបាន។ អ្នកដែលធ្វើបានចុងក្រោយគេគឺ Inter Milan កាលពីឆ្នាំ២០១០ក្រោមការដឹកនាំរបស់លោក Jose Mourinho។
ខ្សែបម្រើ Mario Gotze ដែលនឹងចាកចេញពី Dortmund ទៅចូលរួម Bayern ក្រោយដំណាច់រដូវកាលនេះ ជាអ្នក assist ឱ្យមិត្តរួមក្រុមស៊ុតបញ្ចូលទីបានច្រើនជាងគេទីពីរនៅ UCL រដូវកាលនេះ (៥គ្រាប់) បន្ទាប់ពី Zlatan Ibrahimovic (៧គ្រាប់)។
តួសំខាន់របស់ Dortmund ក្នុងការរកគ្រាប់បាល់ឱ្យក្រុមក្នុងពានរង្វាន់នេះគឺខ្សែប្រយុទ្ធ Robert Lewandowski (១០គ្រាប់) ខណៈតួសំខាន់របស់ Bayern គឺ Thomas Muller (៨គ្រាប់)។
ខ្សែការពារ Neven Subotic និង Mats Hummels របស់ក្រុម Dortmund ផ្ដាច់បាល់ចេញពីមុខទីរបស់ខ្លួនបានច្រើនជាងកីឡាករណាៗទាំងអស់នៅ UCL រដូវកាលនេះ ពោល Subotic ផ្ដាច់បាន១៣៣ដង ហើយ Hummels ផ្ដាច់បាន១០៦ដង។
ខ្សែបម្រើ Javi Martinez របស់ Bayern ឆាបបាល់(interception)ពីគូប្រកួតបានជោគជ័យច្រើនជាងគេនៅ UCL (៣៩ដង) ខណៈមិត្តរួមក្រុម Bastian Schweinsteiger ជាអ្នកដណ្ដើមបាល់(tackle)ពីជើងគូប្រកួតបាន៤៣លើក ជាស្ថិតិច្រើនជាងគេទី២បន្ទាប់ពី Arturo Vidal របស់ Juventus ដែលដណ្ដើមបានសម្រេច៤៤លើក។
គ្រាប់បាល់៦គ្រាប់ក្នុងចំណោមគ្រាប់បាល់ទាំង១០ដែល Bayern ត្រូវគេស៊ុតចូលក្នុងពានរង្វាន់ UCL រដូវកាលនេះ កើតឡើងក្នុងរយៈពេល១៥នាទីចុងក្រោយនៃការប្រកួតរបស់ពួកគេ។
Bayern ជាក្រុមដែលរកគ្រាប់បាល់ដោយការប្រើក្បាលតែតបញ្ចូលទីបានច្រើនជាងគេនៅ UCL រដូវកាលនេះ។មានតែម្ដងប៉ុណ្ណោះក្នុងការប្រកួតវគ្គផ្ដាច់ព្រ័ត្រ Champions League ៥លើកចុងក្រោយ ដែលមានការស៊ុតបញ្ចូលទីលើសពី២,៥គ្រាប់ (over)។ ករណីនេះកើតឡើងនៅ Wembley ក្នុងឆ្នាំ២០១១ ពេល Barcelona ផ្ដួល Man Utd ៣-១។
ប្រភព៖ Sabay
Post a Comment