ដើម្បីឱ្យកាន់តែមានភាពងាយស្រួលក្នុងការវាយអក្សរនៅលើ iPad នោះ ថ្មីៗនេះ ក្រុមហ៊ុនស្វីស Logitech បានប្រកាសចេញ Keyboard សម្រាប់ប្រើជាមួយ iPad ដើម្បីជួយសម្រួលដល់អ្នកប្រើក្នុងការវាយអត្ថបទបានយ៉ាងងាយស្រួល និងរហ័ស។
ក្រុមហ៊ុនបានគូសបញ្ជាក់ថាជាមួយអ្នកឯកទេសជំនួសក្នុងការវាយអក្សរ Logitech Wired Keyboard សម្រាប់ iPad នេះលោកអ្នកនឹងអស់កង្វល់ ព្រោះដូចទៅនឹង Keyboard របស់កុំព្យូទ័រទៅហើយ។ អ្នកប្រើនឹងងាយស្រួលប្រើឱ្យធ្វើមុខងារដូចជា៖ copy, past, Siri, គ្រប់គ្រងដំឡើងឬបន្ថយសំឡេង ក៏ដូចជាការប្ដូរកម្មវិធីប្រើប្រាស់ផងដែរ។ គេអាចភ្ជាប់ iPad ទាំងស៊េរីថ្មីនិងស៊េរីមុនៗប្រើជាមួយ Keyboard Logitech នេះតាមរយៈខ្សែ Connector 30-pin និងប្រភេទ Lightning Connector បានផងដែរ។
Keyboard ផ្ដល់ភាពងាយស្រួលវាយអត្ថបទខាងលើនេះ នឹងត្រូវបានក្រុមហ៊ុននាំនៅតាំងបង្ហាញនៅព្រឹត្តិការណ៍ International Society for Technology in Education ដែលប្រារព្ធធ្វើនៅក្នុងក្រុង San Antonio រដ្ឋ Texas សហរដ្ឋអាមេរិកថ្ងៃទី ២៣-២៦ ខែមិថុនាក្រោយនេះ។ ចំណែកឯតម្លៃគឺ ៦០ដុល្លារអាមេរិកក្នុងមួយគ្រឿង។
ប្រភព៖ Sabay
Post a Comment