យ៉ាង​ណា​គួរ​ឲ្យ​ភ្ញាក់​ផ្អើល និង​ដែល​គេ​នឹក​ស្មាន​មិន​ដល់​មួយ ស្រាប់​តែ​​ថ្មីៗ​នេះ Galaxy S IV Mini ឃើញ​បង្ហាញ​មុខ​យ៉ាង​គ្រហើ​ៗនៅ​លើ apps site ជា​ផ្លូវការ​របស់ Samsung ខណៈ​ដែល​ក្រុមហ៊ុន​នៅ​មិន​ទាន់​ប្រកាស​ជូន​ដំណឹង​អី​បន្តិច ដល់​អតិថិជន​ពី​ផលិតផល​ថ្មី​មួយ​នេះ។
នេះ​បាន​បង្កើត​នូវ​ការ​មន្ទិល​សង្ស័យ​ និង​ការ​សន្និដ្ឋាន​ថា Samsung ពិត​ជា​ប្រកាស​ Galaxy S IV Mini នៅ​ពេល​ដ៏​ខ្លី​ខាង​មុខ ខណៈ​ការ​មើល​​ទៅ​លើ​ភិនភាគ​រូបរាង​ Galaxy S IV Mini ដែល​បែក​ធ្លាយ​នេះ​ហាក់​ស្រប​តាម​ព័ត៌មាន​ដែល​ធ្លាប់​លើក​ឡើង​កន្លង​ទៅ​ពិត​មែន។
Galaxy S IV Mini ត្រូវ​គេ​គិត​ថា​នឹង​មាន​រូបរាង​តូចជាង Galaxy S IV បំពាក់​អេក្រង់​ប្រភេទ qHD Super AMOLED ទំហំ​ ៤,៣អ៊ីញ, CPU dual-core ១,៦GHz, ភ្ជាប់​ជា​មួយ​កាមេរ៉ា​ទំហំ 8MP, RAM ទំហំ ១GB។ ទូរសព្ទ​ដែល​មាន​កាមេរ៉ា​ទំហំ​ ៨ មេហ្គាភិច​ហ្សែល​នេះ នឹង​ដំណើរ​ការ​ដោយ Android 4.2.2 Jelly Bean។
ប្រភព៖ Sabay