កន្លង​ទៅ​ក្រុមហ៊ុន​អេឡិចត្រូនិក​យក្ស​មួយ​នេះ (Samsung) បាន​ផលិត​កញ្ចក់​អេក្រង់​ដែល​អាច​ពត់​ពែន​បាន​សម្រេច និង​បាន​នាំ​យក​ទៅ​ដាក់​បង្ហាញ​នៅ​ក្នុង​ព្រឹត្តិការណ៍​ពិព័រណ៍​ផលិតផល​បច្ចេកវិទ្យា CES 2013 ដើម​ឆ្នាំ​នេះ​រួច​មក​ហើយ។ ក្រុមហ៊ុន​បាន​សន្យា​ថា នឹង​​បំពាក់​អេក្រង់​ទំនើប​នេះ​នៅ​លើ Smartphone និង Tablet ក្នុង​ពេល​ឆាប់ៗ​ខាង​មុខ។
តែ​ក្រោយ​ពី​បាត់​ដំណឹង​អស់​មួយ​រយៈ​មក ឥឡូវ​នេះ​ស្រាប់តែ​មាន​ព័ត៌មាន​ធ្លាយ​រូប Samsung Tablet ភ្ជាប់​ជា​មួយ​អេក្រង់​កោង​នៅ​លើ​គេហទំព័រ MobileLeaks ដែល​ហាក់​បញ្ជាក់​បា​នថា លទ្ធផល​វេច​ខ្ចប់​មក​លើ smart device ដំណើរការ​ជិត​បាន​សម្រេច​ហើយ។
Tablet ថ្មី​នេះ​អាច​ដាក់​បញ្ឈរ​ ទោះបើ​អេក្រង់​របស់​វា​កោង ជាមួយ​សម្បក​ផលិត​ពី​ជាតិ​ប្លាស្ទិក ឬ​លោហធាតុ។ ក្រៅ​ពី​គុណសម្បត្តិ​ទាំង​អស់​នោះ ក៏​នៅ​មាន​លក្ខណៈ​សម្បត្តិ​ជា​ច្រើន​ទៀត​ដូច​ជា៖ អេក្រង់​ទំហំ ១០អ៊ីញ​ជា​ប្រភេទ AMOLED អាច​ពត់​ពែន​បាន​ហើយ​មាន resolution (1920X1080px), ភ្ជាប់​ជា​មួយ CPU Exynos ល្បឿន 1.6GHz, កាមេរ៉ា​ទំហំ 3MP។ មិន​តែ​ប៉ុណ្ណោះ​នៅ​មាន RAM ទំហំ 2GB, មេម៉ូរី​ម៉ាស៊ីន​ទំហំ 32GB និង​កម្រិត​ថាមពល​ថ្ម​ខ្លាំង​ដល់​ទៅ 8000mAh។
ប្រភព៖ Sabay