លោក ពិសិដ្ឋិ បានឲ្យដឹងថា ពីមុនធ្លាប់តែឃើញក្រុមហ៊ុនធំៗមួយចំនួនតែប៉ុណ្ណោះដែលប្រើប្រាស់ WindowsLicense តែឥឡូវនេះអ្នកធ្វើជំនួញតាមក្រុមហ៊ុនតូចធំ ជាពិសេសនិស្សិតខ្មែរក៏ទិញ Windows License យកទៅប្រើដែរ។
លោកបន្តទៀតថា ក្រៅពីនេះស្ថាប័នមីក្រូហិរញ្ញវត្ថុផ្សេងៗក៏កំពុងយកចិត្តទុកដាក់លើការប្រើប្រាស់ Microsoft OS មាន License នេះដែរ ។
“ចំនួន Windows License នៅកម្ពុជាមានការកើនឡើងបែបនេះ គឺដោយសារតែអ្នកប្រើប្រាស់ទាំងនោះយល់ដឹង និងទទួលស្គាល់ពីអត្ថប្រយោជន៍សំខាន់ៗរបស់ Microsoft” ។ លោកបញ្ជាក់។
ការប្រើប្រាស់ Windows License គឺផ្ដោតលើចំណុចសំខាន់២ លើអត្ថប្រយោជន៍រួមដែល Windows មាន។ ទី ១ គឺសំដៅលើ Security លើទិន្នន័យក្នុងកុំព្យូទ័ររបស់អ្នកប្រើប្រាស់។ Windows មាន License ខុសពី Windows ដែលត្រូវបានគេដំឡើងដោយប្រើ Crack និយាយរួមគឺគ្មានមេរោគនោះទេ ដូច្នេះអ្នកប្រើប្រាស់មិនចាំបាច់ខ្វាយខ្វល់ពីការឆ្លង Spy-ware ឬក៏ Virus ផ្សេងៗឡើយ។
ហេតុផលទី ២ គឺ Performance ល្អ។ មានន័យថាដំណើរការ Windows នេះមានលក្ខណៈរលូនជាង Windows Copy។ អ្វីដែលពិសេសជាងនេះទៅទៀតនោះ អ្នកប្រើប្រាស់អាចយល់ដឹង និងប្រើប្រាស់គន្លឹះពិសេសៗកាន់តែច្រើនពី Windows ជាក់ស្ដែងដូចជាការចូលទៅកាន់ទំព័រ Support របស់ Microsoft ជាដើម។
អត្ថបទ៖ តុ
Post a Comment