ជនសង្ស័យដែលផ្ញើលិខិតមានជាតិពុលទៅកាន់សេតវិមានកាលពីពីរសប្ដាហ៍កន្លងទៅត្រូវបានប៉ូលិសរកឃើញហើយគឺតារាសម្តែងស្រីអាមេរិកក្នុងរឿងខ្មោចឆៅដ៏ល្បី “The Walking Dead”។
បើតាមរបាយការណ៍ពីសំណាក់សារពត៌មាន The Hollywood Reporter បានអះអាងថា តារាសម្តែងវ័យ៣៥ឆ្នាំនាង Shannon Richardson ត្រូវបានចាប់ខ្លួននៅភ្នំ Pleasant រដ្ឋតិចសាស់ កាលពីថ្ងៃសុក្រ ហើយត្រូវឡើងតុលាការនៅថ្ងៃដដែលនេះពីបទសង្ស័យថា ជាអ្នកផ្ញើសំបុត្រគំរាមកំហែងប្រធានាធិបតីសហរដ្ឋអាមេរិកបច្ចុប្បន្នលោក Barack Obama។
នាង Shannon ដែលគេសង្ស័យថា ផ្ញើលិខិតមានផ្ទុកជាតិពុលទៅលើ អូបាម៉ា
មុនពេលមានការចាប់ខ្លួនអ្នកម្តាយកូនប្រាំរូបនេះបានទូរស័ព្ទទៅការិយាល័យស៊ើបអង្កេត Federalអះអាងថា ស្វាមីនាងជាអ្នកផ្ញើសំបុត្រមានជាតិពុលទៅលោកប្រធានាធិបតី។ ការិយាល័យមេធាវីនៅសង្កាត់ភាគខាងកើតរដ្ឋតិចសាស់បានបញ្ជាក់នៅក្នុងសន្និសីទកាសែតថា ករណីសំបុត្រគំរាមលោកប្រធានាធិបតីនេះកំពុងមានការចូលរួមស្រាវជ្រាវ និងស៊ើបអង្កេតពីគ្រប់ផ្នែកដែលពាក់ព័ន្ធ។
បើរកឃើញថា ជារឿងពិតជនសង្ស័យ Shannon Richardson អាចនឹងត្រូវតុលាការផ្តន្ទាទោសជាប់ពន្ធនាគាររយៈពេល១០ ក្នុងពន្ធនាគារ Federal ក្នុងរដ្ឋតិចសាស់៕
ប្រភព៖ Sabay
Post a Comment