Man of Steel គ្រងតំណែងលេខ១ក្នុង Box Office

នៅចុងសប្ដាហ៍នេះ រឿងដែលបានចំណាត់ថ្នាក់លេខ១ក្នុងតារាង Box Office បានទៅលើរឿង ”Man of Steel” ដោយរកប្រាក់ចំណូលខ្ពស់បំផុតបើប្រៀបធៀបនឹងរឿងផ្សេងៗទៀត។

យោងតាមគេហទំព័រ USA Todayបានឲ្យដឹងថា ”Man of Steel” ដែលជារឿងបែបផ្សងព្រេងលាយឡំជាមួយការប្រយុទ្ធគ្នាបានស្ថិតក្នុងលំដាប់កំពូលក្នុងតារាង Box Office ដោយរកប្រាក់ចំណូលបានចំនួន ១១៣,១លានដុល្លារ ហើយនេះគឺជាតួលេខប្រាក់ចំណូលដែលរកបានខ្ពស់បំផុតមិនធ្លាប់មាន ក្នុងចំណោមរឿងដែលបានចាក់បញ្ចាំងផ្សេងៗទៀតក្នុងខែមិថុនានេះ។

ចំណែករឿងដែលឈរនៅចំណាត់ថ្នាក់លេខពីរបានទៅលើ ”This is the End” ដែលរកចំណូលបាន ២០,៥លាន ខណៈដែល ”Now You See Me”ធ្លាក់មួយលេខមកចំណាត់ថ្នាក់លេខ៣ដោយរកប្រាក់ចំណូលបាន ១០,៣លានដុល្លារ។

ចំណែករឿង”Fast & Furious” ដែលធ្លាប់បានគ្រងតំណែងលេខ១ពីរសប្ដាហ៍ជាប់ៗគ្នា ឥឡូវនេះបានធ្លាក់ខ្លួនមកនៅចំណាត់ថ្នាក់លេខ៤ ជាមួយប្រាក់ចំណូលបាន ៩,៤លានដុល្លារ ហើយរឿង”The Purge”ទទួលបានចំណាត់ថ្នាក់លេខ៥ជាមួយនឹងប្រាក់ចំណូលចំនួន៨,២លានដុល្លារ៕

ប្រភព៖ Sabay News

Dormcha Share