Sony បង្ហាញ Ultrabook ប្រើរុញមិនធម្មតា

ឆ្លៀតក្នុងព្រឹត្តិការណ៍ដ៏ឱឡារិកនៃក្រុមហ៊ុនបច្ចេកវិទ្យាល្បីៗចូលរួមតាំងបង្អួតផលិតផលបច្ចេកវិទ្យារបស់ខ្លួននៅពិព័រណ៍ Computex Taipei ឆ្នាំ ២០១៣នេះ Sony ក៏បានបញ្ចេញ Ultrabook ស៊េរីថ្មីមួយទៀតឈ្មោះថា Sony Vaio Duo 13 Slider Hybrid។

Sony Viao Duo 13 Slider Hybrid

មិនត្រឹមតែមានរូបរាងទាន់សម័យជាមួយរូបរាងតូចស្ដើង ខុសពីស៊េរី Vaio មុនៗ Vaio Duo 13 នេះបានប្រើបច្ចេកវិទ្យាកាមេរ៉ា Exmor RS ដែលធ្លាប់មាននៅលើ Smartphone ម៉ូដែល Xperia Z ដើម្បីបង្កើនគុណភាពរូបបានកាន់តែច្បាស់ល្អនៅលើកាមេរ៉ាក្រោយទំហំ 8MP។
បន្ថែមពីនេះ Vaio Duo 13 សម្បកផ្សំឡើងពីសារធាតុកាបូនហ្វៃប៊ឺ (Carbon Fiber) ជួយកាត់បន្ថយទម្ងន់ឲ្យកាន់តែស្រាល និងមានកម្រាស់ត្រឹមតែ ១,៩សង់ទីម៉ែត្រប៉ុណ្ណោះ។
ក្រៅពីមានលក្ខណៈដូចខាងលើហើយនោះ Ultrabook ស៊េរីថ្មីនេះនៅមានលក្ខណៈសម្បត្តិគួរចាប់អារម្មណ៍ជាច្រើនទៀតដូចជា៖

- អេក្រង់ប្រភេទ IPS touchscreen ទំហំ ១៣អ៊ីញ resolution 1920x1080px ជាមួយបច្ចេកវិទ្យាអេក្រង់ Triluminos ដែលធ្លាប់តែមាននៅលើទូរទស្សន៍ -Bravia TV
- ភ្ជាប់ជាមួយកាមេរ៉ាក្រោយទំហំ 8MP ប្រើបច្ចេកវិទ្យាកាមេរ៉ា Exmor RS ជួយបង្កើនគុណភាពរូបបានកាន់តែច្បាស់ល្អ (ថតរូបក្នុង resolution ទំហំ 2560x1440px និងវីដេអូបាន 1080p) និង Webcam (កាមេរ៉ាមុខ) ទំហំ 2MP
- ប្រព័ន្ធប្រតិបត្តិការ Windows 8
- CPU ប្រភេទ Core i5 Haswell ល្បឿន 1.6GHz
- ក្រាហ្វិក HD Graphics 4400
- RAM ទំហំ 4GB/8GB
- ផ្ទុកទិន្នន័យនៅលើ SSD ទំហំ 128GB (អាចបន្ថែមដល់ 512GB)
- Keyboard មានភ្លើង Backlit
- Speaker ប្រភេទ Stereo
- តំណភ្ជាប់៖ រន្ធ HDMI, USB 3.0 ចំនួន២, SD card slot, Bluetooh 4.0, Wi-Fi 802.11 a/b/g/n
- មាន NFC
- ថ្មមានកម្រិតថាមពល 6320mAh ប្រើកាន់បាន ៨ម៉ោង

ប្រភពបានឱ្យដឹងថា Ultrabook Vaio Duo 13 Slider Hybrid នេះនឹងមានលក់នៅលើទីផ្សារតម្លៃ ១៤០០ដុល្លារអាមេរិកជាមួយការផ្ដល់ជូនពណ៌២ជម្រើសគឺ ស និងខ្មៅ។