តារាសម្ដែងហូលីវូដល្បីល្បាញក្នុងរឿង
Fast & Furious លោក
Paul Walker បានស្លាប់បាត់បង់ជីវិតហើយ ក្នុងឧបទ្ទវហេតុគ្រោះថ្នាក់ចរាចរមួយកាលពីរសៀលថ្ងៃសៅរ៍ម្សិលមិញ នេះ។ ករណីខាងលើនេះបានកើតឡើងក្នុងទីក្រុង
Santa Clarita ភាគខាងត្បូងរដ្ឋ California សហរដ្ឋអាមេរិក បន្ទាប់ពីរថយន្តរបស់គាត់បានជ្រុលចង្កូតទៅបុកដើមឈើមួយដើម។
យោងតាមរបាយការណ៍ពីគេហទំព័រTMZ បានបញ្ជាក់ថា Paul
Walker បានបាត់បង់ម្ចាស់ការនៅពេលកំពុងបើកបរក្នុងល្បឿនយ៉ាងលឿន រហូតជ្រុលចង្កូតទៅបុកនឹងដើមឈើអែបផ្លូវបង្កឲ្យមានសំឡេងផ្ទុះ ឆេះចេញជាអណ្ដាតភ្លើង ឆេះយ៉ាងសន្ធោសន្ធៅឡើង។
គេហទំព័រដដែលបានបញ្ជាក់បន្ថែមផងដែរថា មានជនរងគ្រោះចំនួនពីរនាក់ជិះក្នុងរថយន្តម៉ាក Porsch ដែលក្នុងនោះរួមមានតារាហូលីវូដលោកPaul Walke ខាងលើ និងបុរសម្នាក់ទៀតបានស្លាប់បាត់បង់ជីវិតភ្លាមៗនៅកន្លែងកើតហេតុ។ ក៏ប៉ុន្តែ គេមិនអាចកំណត់បានថា តើអ្នកណាជាអ្នកបើករថយន្តនេះនោះទេ ខណៈដែលប៉ូលិសកំពុងស៊ើបអង្កេតបន្តលើករណីនេះ។
រថយន្តរបស់លោកPaul Walker ក្នុងឧបទ្ទវហេតុគ្រោះថ្នាក់ចរាចរលោក Paul Walker គឺជាតារាសម្ដែងហូលីវូដល្បីល្បាញមួយរូប ដែលបានកើតនៅថ្ងៃទី១២ខែកញ្ញាឆ្នាំ ១៩៧៣ក្នុងទីក្រុង
Glendale រដ្ឋ
California។ ក្នុង វ័យ៤០ គាត់គឺជាតារាសម្ដែងល្បីមួយរូបដែលទទួលបានការគាំទ្រយ៉ាងច្រើន ពីសាធារណជនជាពិសេសក្នុងភាពយន្តបាញ់ប្រហារ និងប្រណាំងឡាន Fast & Furious ៕
ភ្លើងកំពុងឆេះក្នុងឧបទ្ទវហេតុគ្រោះថ្នាក់ចរាចរ
រថយន្តរបស់លោកPaul Walkerជិះមុនពេលកើតហេតុ
Post a Comment