ឪពុកកូនពីរនាក់ប្រើអារម្មណ៍ដាក់គ្នាដោយវិធីបើករថយន្តដេញបុកគ្នានៅលើដងវិថីរហូតរថយន្តខ្ទេចទាំងគូបង្កឱ្យអ្នកដំណើរដែលឃើញហេតុការណ៍នេះភ័យតក់ស្លុតគ្រប់គ្នា។
ហេតុការណ៍គ្រោះថ្នាក់នេះកើតឡើងដោយសារឪពុកកូនពីរនាក់ឈ្លោះប្រកែកគ្នា ហើយប្រើវិធីបើករថយន្តបុកគ្នានៅលើផ្លូវបែកជាបួនក្នុងខេត្តអានហុយប្រទេសចិន។ រូបភាពពីកាំមេរ៉ាសុវត្ថិភាពនៅលើដងវិថីបានបង្ហាញរូបភាពរថយន្ត Mercedes-Benz និងរថយន្តស្ព័រ BMW បើកប្រដេញគ្នាពេញផ្លូវ។
តាមរូបភាពឃើញថា រថយន្ត Mercedes-Benz ឈប់នៅត្រង់ផ្លូវបំបែកតែក្រោយមក ក៏ថយក្រោយមកបុករថយន្តBMW ដែលព្យាយាមប្រជៀតឡើងខាង។ ក្រោយពីនោះរថយន្តBMW ព្យាយាមបើករត់គេចតែត្រូវរថយន្ត Mercedes-Benz បើកមកបំបុកពេញទំហឹងរហូតរថយន្ត BMW ខ្ទាតទៅខាងមុខ និងជ្រុលទៅបុករថយន្តមួយគ្រឿងទៀត។
ហេតុការណ៍ខាងលើនេះបង្កឱ្យរថយន្តទាំងពីរខូចខាតយ៉ាងដំណំត្រូវទុកចោលនៅកន្លែងកើតហេតុរហូតដល់ប៉ូលិសចូលមកអូសរថយន្តចេញដើម្បីសម្រួលការស្ទះចរាចរណ៍។ ក្រោយពីប៉ូលិសសាកសួរហើយឪពុកកូនទាំងពីរអាចត្រូវចោទប្រកាន់ធ្ងន់ធ្ងរព្រោះការបើកបរពួកគេអាចបង្កគ្រោះថ្នាក់ដល់អ្នកដទៃ៕
មើលវីដេអូខាងក្រោម៖
ប្រភព៖ Sabay
Post a Comment