កីឡាការិនីតេក្វាន់ដូជើងខ្លាំងបងប្អូនបង្កើតនឹងគ្នា ស៊ន ដាវីន និង ស៊ន សៀវម៉ី នឹងចេញដំណើរនៅម៉ោងប្រមាណ១១យប់នេះ ឆ្ពោះទៅកូរ៉ូខាងត្បូង ដើម្បីហ្វឹកហាត់បង្កើនក្បាច់គុនត្រៀមយកមេដាយនៅ ស៊ីហ្គេម ២០១៣ចុងឆ្នាំនេះ។
កីឡាការិនីកម្ពស់ ១៧៨ សង់ទីម៉ែត្រ ស៊ន ដាវីន ដែលឈ្នះមេដាយប្រាក់កាលស៊ីហ្គេម២០១១ ឲ្យ Sabay ដឹងថាការ ហ្វឹកហាត់ដ៏ស្របតាមបទដ្ឋាននៅទីនោះគឺមានរយៈពេលប្រមាណ៤ខែ។ កីឡាការិនីបងប្អូនគ្នានឹងវិលមកកម្ពុជាវិញនៅថ្ងៃទី៣០ វិច្ឆិកា ២០១៣ ពោលគឺមុនពេលស៊ីហ្គេមនៅមីយាន់ម៉ាចាប់ផ្ដើមនាខែធ្នូ ចុងឆ្នាំនេះ។ ស៊ន ដាវីន បន្ថែមថា៖ “នេះជាការហ្វឹកហាត់នៅឆ្ងាយ ខ្ញុំនឹកស្រុក និងអ្នកគ្រប់គ្នាក្នុងគ្រួសារខ្ញុំ។ ខ្ញុំមិនដឹងថាការហ្វឹកហាត់នៅទីនោះនឹងយ៉ាងម៉េចទេ តែខ្ញុំរំពឹងថានឹងអាចឈ្នះមេដាយស៊ីហ្គេមទៀត”។
ស៊ន ដាវីន ជាកីឡាការិនីតេក្វាន់ដូដ៏ឆ្នើមរបស់កម្ពុជា ធ្លាប់បានឈ្នះមេដាយសំរឹទ្ធ ស៊ីហ្គេមនៅឡាវកាលឆ្នាំ២០០៩ និងបានមេដាយប្រាក់មួយទៀត កាលស៊ីហ្គេម២០១១ នៅឥណ្ឌូណេស៊ី។ ដាវីន ក៏ធ្លាប់ឈ្នះមេដាយអន្តរជាតិជាច្រើនទៀត ខណៈដែល ស៊ន សៀវម៉ី ក៏ជាអ្នកមានថ្វីដៃល្អម្នាក់ដែរ ដោយធ្លាប់ឈ្នះមេដាយ សំរឹទ្ធ មួយ ដើម្បីបើកឆាកមេដាយដំបូងគេឲ្យកម្ពុជាកាលស៊ីហ្គេម ឆ្នាំ២០១១៕
ស៊ន ដាវីន ជាកីឡាការិនីតេក្វាន់ដូដ៏ឆ្នើមរបស់កម្ពុជា ធ្លាប់បានឈ្នះមេដាយសំរឹទ្ធ ស៊ីហ្គេមនៅឡាវកាលឆ្នាំ២០០៩ និងបានមេដាយប្រាក់មួយទៀត កាលស៊ីហ្គេម២០១១ នៅឥណ្ឌូណេស៊ី។ ដាវីន ក៏ធ្លាប់ឈ្នះមេដាយអន្តរជាតិជាច្រើនទៀត ខណៈដែល ស៊ន សៀវម៉ី ក៏ជាអ្នកមានថ្វីដៃល្អម្នាក់ដែរ ដោយធ្លាប់ឈ្នះមេដាយ សំរឹទ្ធ មួយ ដើម្បីបើកឆាកមេដាយដំបូងគេឲ្យកម្ពុជាកាលស៊ីហ្គេម ឆ្នាំ២០១១៕
ស៊ន ដាវីន កាលប្រកួតនៅព្រឹត្តិការណ៍កីឡាអូឡាំពិក២០១២
ស៊ន សៀវម៉ី កាលឈ្នះមេដាយ សំរិទ្ធ នៅស៊ីហ្គេម២០១១
ប្រភព៖ Sabay
Post a Comment