ទើបតែបានចេញលក់នៅអំឡុងខែមេសាសោះ Galaxy S4 ហាក់ជ្រៀតចូលដល់ក្រអៅចិត្តអ្នកប្រើប្រាស់យ៉ាងខ្លាំង ហើយរហូតមកដល់ខែឧសភាមុននេះ បានវាយសន្ធប់យកឈ្នះការលក់លើ iPhone 5 បានសម្រេចហើយ។
នៅលើបញ្ជីឈ្មោះខាងលើឃើញ iPhone 5 នៅពីលើគេ ដោយ Smartphone របស់ Apple ម៉ូដែលនេះអាចគ្រងដំណែងជាម្ចាស់ជើងឯកលក់ដាច់ជាងគេរយៈពេល ៣ខែជាប់ៗគ្នា (កុម្ភៈ-មេសា) នៅក្រុមហ៊ុន Verizon, Sprint និង T-Mobile។ ទោះជាខ្លាំងយ៉ាងណា រហូតមកដល់ខែឧសភា Smartphone ត្រកូល Galaxy ចេញថ្មី Galaxy S4 បានវ៉ាយកឈ្នះ iPhone 5 វិញឈរលំដាប់កំពូលលក់ដាច់ជាងគេជំនួសវិញ។
នេះអាចសបញ្ជាក់បានថា Galaxy S4 គឺជាផលិតផលទូរសព្ទដែលកំពុងទទួលបានការគាំទ្របំផុតនាពេលបច្ចុប្បន្ននេះ។ តែយ៉ាងណា តើទូរសព្ទស៊េរីទំនើបមួយនេះអាចគ្រងតំណែងបានយូរប៉ុណ្ណា ខណៈ Apple ក៏ជិតនឹងមានផលិតផលថ្មី iPhone 5S ដែលនឹងបង្ហាញខ្លួននាពេលឆាប់ៗខាងមុខនេះ។
ចាំតាមដានទាំងអស់គ្នាណា៎។
ប្រភព៖ Sabay
Post a Comment