“អាច និយាយបានថា នៅកម្ពុជា Ford ឈរលេខរៀងពីរបន្ទាប់ពី Toyota ជាម៉ាករថយន្តដែលមានចំនួនអ្នកប្រើប្រាស់ច្រើនជាងគេ បើប្រៀបធៀបរថយន្តម៉ាកដទៃទៀត”។
មូលហេតុដែលនាំឲ្យ Ford ទទួលបានការគាំទ្រពីអតិថិជនកម្ពុជា ដោយសារ Ford បានសាងកេរ្តិ៍ឈ្មោះយ៉ាងល្អលើទីផ្សារ និងផលិតឡើងក៏ស្របតាមតម្រូវការនិងចំណង់ចំណូលចិត្តរបស់អ្នក ប្រើប្រាស់នោះដែរ។
“យើងផ្តោតលើគុណភាព, សុវត្ថិភាព, ភាពវ័យឆ្លាត និងការគិតគូរដល់បរិស្ថានខ្ពស់ ដើម្បីទាញការគាំទ្រ និងយកឈ្នះគូប្រជែង”។ លោកបញ្ជាក់យ៉ាងដូច្នេះ។
យ៉ាងណាអ្នកគ្រប់គ្រងជាន់ខ្ពស់រូបនេះ មិនបានបញ្ជាក់ពីបរិមាណលក់រថយន្ត Ford នៅលើទីផ្សារកម្ពុជានោះទេ។
ក្រុមហ៊ុន RMA Cambodia បានចាប់ផ្ដើមបើកអាជីវកម្មចែកចាយនិងលក់រថយន្តម៉ាក Ford នៅលើទីផ្សារកម្ពុជា កាលពីឆ្នាំ១៩៩៧ និងគិតមកទល់ពេលនេះមានរយៈពេលជាង ១៥ ឆ្នាំមកហើយ។
លោក Rami Sharaf បានបញ្ជាក់ថា ជាមួយការដំណើរការណ៍អាជីវកម្មជាច្រើនឆ្នាំ អតិថិជនកម្ពុជាកាន់តែមានទំនុកចិត្តខ្ពស់ទៅលើជ្រើសរើសរថយន្ត Ford យកទៅប្រើប្រាស់។ លោកមានជំនឿថា នៅពេលអនាគតរថយន្ត Ford នឹងក្លាយជាម៉ាករថយន្តដែលនាំមុខគេនៅលើទីផ្សារកម្ពុជា។
យ៉ាងណាមិញ កន្លងទៅថ្មីៗនេះ ក្រុមហ៊ុន Ford បានប្រកាសប្រមូលរថយន្តស៊េរីថ្មីៗ មួយចំនួនទូទាំងពិភពលោកចូលរោងចក្រវិញ ដើម្បីធ្វើការជួសជុលដោយសារមានបញ្ហាបច្ចេកទេសមួយចំនួន។ ជុំវិញបញ្ហានេះ អ្នកគ្រប់គ្រងជាន់ខ្ពស់រូបនេះមិនបានធ្វើការបញ្ជាក់នោះទេ ថានឹងមានការត្រួតពិនិត្យឬការហៅត្រឡប់ទៅវិញប្រភេទរថយន្ត Ford មួយចំនួន ដែលកំពុងចរាចរណ៍លក់នៅលើទីផ្សារកម្ពុជា និងដែលអាចមានបញ្ហានោះ។
ប្រភព៖ Sabay
Post a Comment