ដូចដែលរបាយការណ៍ ចេញផ្សាយកាលពីដើមខែមុនមែនថា អេក្រង់ iPhone 5S នឹងផលិតក្នុងទ្រង់ទ្រាយធំនៅខែមិថុនានេះ ឥឡូវនេះគេប្រទះឃើញរូបភាពប៉ុន្មានសន្លឹក ដែលទំនងជាផលិតដូចការគ្រោងទុកមែន។
រូបភាពអេក្រង់ iPhone 5S នេះបានចុះផ្សាយដោយ MacRumors ប៉ុន្តែមិនទាន់មានការវិភាគយ៉ាងណានៅឡើយទេ គ្រាន់តែថា រូបភាពទាំងនោះគឺដូចគ្នាទៅនឹងការរំពឹងទុករបស់ក្រុមអ្នកវិភាគ ថាមានរូបរាងដូច iPhone 5។
ទោះជាយ៉ាងនេះក្ដី iPhone 5S ម៉ូដែលចុងក្រោយនេះ ត្រូវក្រុមអ្នកតាមដានបច្ចេកវិទ្យាអះអាងថា ក្រុមហ៊ុន Apple នឹងសម្រិតសម្រាំងឱ្យខុសពីជំនាន់មុនៗ ដោយបន្ថែមមុខងារពិសេសមួយចំនួនទៀតដូចជា មុខងារស្គែនក្រយៅម្រាមដៃជាដើម តែចំពោះការរចនាវិញមិនទាន់ដឹងឱ្យប្រាកដថាខុសពីម៉ូដែលមុនៗយ៉ាងណានោះទេ។
កាលពីដើមខែឧសភា សារព័ត៌មានជប៉ុន Nikkan Kogyo Shimbun បានរាយការណ៍ថាក្រុមហ៊ុន Sharp, LG Display និង Japan Display ជាក្រុមហ៊ុនផ្គត់ផ្គង់អេក្រង់ប្រភេទ Retina សម្រាប់បំពាក់នៅលើ iPhone 5S និង Smartphone ជំនាន់ក្រោយៗរបស់ក្រុមហ៊ុន Apple។ ទោះជាយ៉ាងណា រូបភាពដែលបែកធ្លាយនេះមិនបានបញ្ជាក់ថា ផលិតដោយក្រុមហ៊ុនណានោះទេ។
សូមមើលវីដេអូឃ្លិបនេះ៖
ប្រភព៖ Sabay
Post a Comment