រឿងនេះក៏នឹងត្រូវចាក់បញ្ចាំងក្នុងរាជធានីភ្នំពេញចាប់ពីថ្ងៃទី២០ ខែមិថុនា ខាងមុខនេះតទៅ ស្របពេលដែល Nokia Lumia ស៊េរីថ្មីៗជាពិសេសគឺ Nokia Lumia 920 ទើបនឹងបានចេញលក់កាលពីពេលថ្មីៗកន្លងទៅនេះ។
ជាមួយគ្នានេះ ដើម្បីអបអរសាទរការចាក់បញ្ចាំងរឿង Man of Steel, ក្រុមហ៊ុន Nokia នៅកម្ពុជាបានផ្តល់ឱកាស ឲ្យអតិថិជន Nokia Lumia ឈ្នះរង្វាន់ទូរសព្ទ Nokia Lumia 920 និងបន្ទះសាកថ្មចំនួន ២០ ឈុត ។
លោក Jerry Manus អគ្គនាយកនៃក្រុមហ៊ុន Nokia នៅកម្ពុជា-ឡាវ បានពន្យល់ថា ដើម្បីទទួលបានឱកាសឈ្នះរង្វាន់ដូចបញ្ជាក់ខាងលើ អ្នកប្រើប្រាស់គ្រាន់តែជាវផលិតផល Nokia Lumia ម៉ូដែលណាមួយដែលមានជាអាទិ Nokia Lumia 920, Lumia 820, Lumia 720, Lumia 620, Lumia 520 ហើយបំពេញព័ត៌មាននៅក្នុងគូប៉ុង ដែលម្ចាស់ហាងប្រគល់ជូននៅពេលជាវ រួចយកទៅដាក់ក្នុងប្រអប់ដែលក្រុមហ៊ុន Nokia ដាក់នៅតាមហាងនីមួយៗ ជាការស្រេច ។
លោកបញ្ជាក់ទៀតថា កម្មវិធីខាងលើនឹងត្រូវចាប់ផ្ដើមអនុវត្តចាប់ពីថ្ងៃនេះតទៅរហូតដល់ថ្ងៃទី ១៩ កក្កដា។ រីឯកម្មវិធីចាប់ឆ្នោតផ្តល់សំណាងជូនអតិថិជននឹងត្រូវធ្វើឡើងនៅថ្ងៃទី ២៨ កក្កដា ដោយ មានផ្សាយផ្ទាល់តាមរយៈទូរទស្សន៍ MyTVផង៕
Nokia Lumia 920 ល្បីល្បាញគ្រប់ទីតំបន់នៃពិភពលោក ដោយសារកត្តាជាច្រើនដែលក្នុងនោះរួមមាន៖ បច្ចេកវិទ្យាថតរូបឈានមុខ Pureview ដែលធ្វើឲ្យការថត ទទួលបានរូបភាពបានច្បាស់បំផុត ជាពិសេសនៅក្នុងទីដែលមានពន្លឺខ្សោយ,បច្ចេកវិទ្យាជួយទប់លំនឹងកាមេរ៉ា (Optical Image Stabilizer) ដែលមានតួនាទី ធ្វើឲ្យរូបថតច្បាស់ដិតល្អប្រាស់ចាកពីភាពព្រិល, អេក្រង់ PureMotionHD+ ដែលមិនត្រឹមតែធ្វើឲ្យ ផ្ទៃមុខនៃទូរសព្ទបញ្ចេញពន្លឺភ្លឺថ្លាត្រជាក់ភ្នែកប៉ុណ្ណោះទេ គឺថែមទាំងធានា Touch លឿន ហើយរលូនល្អ,ប្រដាប់សាកថ្មឥតខ្សែ រួមជាមួយប្រព័ន្ធប្រតិបត្តិការថ្មីទំនើប Windows Phone 8 ជាដើម។
ប្រភព៖ Sabay News
Post a Comment