ភ្នំពេញ៖ ករណីគ្រោះថ្នាក់ចរាចរណ៏រវាងម៉ូតូ និងម៉ូតូបណ្តាលឲ្យរងរបួសធ្ងន់២នាក់បងប្អូនកាល ពីវេលាម៉ោង១០និង៥០នាទីព្រឹក ថ្ងៃទី៣ ខែវិច្ឆកា ឆ្នាំ២០១៣ នៅចំណុចតាមបណ្តោយផ្លូវវត្ត ស្លែង ស្ថិតក្នុងភូមិភា សង្កាត់ប្រទះឡាង ខណ្ឌដង្កោរាជធានីភ្នំពេញ។ ប្រភពពីសាក្សីនៅកន្លែងកើតហេតុបានឲ្យដឹងថា មុនពេលកើតហេតុគេឃើញម៉ូតូពីរ គ្រឿងនោះជិះពីកើតមកលិចស្របទិសគ្នា លុះមកដល់កន្លែងកើតហេតុម៉ូតូមួយគ្រឿងគាត់បត់ ឆ្លងថ្នល់ហើយម៉ូតូ១គ្រឿងទៀតជិះឌុបគ្នាពីរនាក់មកពីក្រោយទំនងមិនបានឃើញគេបត់ឆ្លងក៏ បុកពីក្រោយពេញទំហឹងតែម្តងបណ្តាលឲ្យដួលរបួសក្មេងស្រីម្នាក់ធ្ងន់យកទៅកាន់មន្ទីរពេទ្យ ឯកជនក្នុងភូមិ។ ចំណែកបុរសម្នាក់ទៀតត្រូវជាបងរថយន្តសង្គ្រោះរបស់អង្គភាព(ង៧០)ដឹក យកទៅមន្ទីរពេទ្យព្រះកុសមៈ។ នាយនគរបាលប៉ុសិ្តរដ្ឋបាលប្រទះឡាងលោក ម៉ាច ហុង បានប្រាប់ឲ្យដឹងដែរថា ជន រងគ្រោះសុទ្ធតែអ្នកភូមិក្បែរគ្នា ជនរងគ្រោះពីរនាក់បងប្អូនម្នាក់ឈ្មោះយ៉ង់ សម្ផស្ស ភេទប្រុស អាយុ៣០ឆ្នាំ ជាអ្នកឌុប និងជនរងគ្រោះម្នាក់ទៀតឈ្មោះ យ៉ង់ ស្រស់ ភេទស្រី អាយុ២៥ឆ្នាំ របួសធ្ងន់ទាំងពីរនាក់ មានទីលំនៅភូមិប្រទះឡាង សង្កាត់ប្រទះឡាង ជិះម៉ូតូម៉ាក់ហុងដាឌ្រីម សេ១០០ ពណ៌ខៀវ ពាក់ស្លាកលេខ ព-1832ភព1។ ចំណែកភាគីម្ខាងទៀតមានឈ្មោះ នន់ ធឿន ភេទប្រុស អាយុ៣៤ឆ្នាំ មុខរបរកសិករ មានទីលំនៅភូមិភា សង្កាត់ប្រទះឡាង ជិះម៉ូតូ ម៉ាកហុងដាឌ្រីមសេ១២៥ ពណ៌ខ្មៅ ពាក់ស្លាកលេខភ្នំពេញ1E-1012 មិនរងរបួសអ្វីទេ។ លោក ម៉ាច ហុង បន្តថា ម៉ូតូ២គ្រឿងនេះជិះស្របទិសគ្នាពីកើតទៅលិចហើយភាគីជិះម៉ូតូអាសង់ពណ៌ខៀវពីរនាក់បងប្អូនគាត់អត់មើលភាគីជិះម៉ូតូសេ១២៥ពណ៌ខ្មៅគាត់បត់ឆ្លងផ្លូវ ក៏បុកគេពីក្រោយពេញទំហឹងតែម្តងបណ្តាលឲ្យដួលរងរបួសធ្ងន់ទាំងពីរនាក់បងប្អូន។ចំណែក ម្នាក់ទៀតម្ចាស់ម៉ូតូសេ១២៥ពណ៌ត្រូវគេបុកពីក្រោយនោះអត់របួសអ្វីទេ។ ក្រោយពីសមត្ថកិច្ចចរាចរចុះវាស់វែងរួចម៉ូតូទាំង២គ្រឿងយកទៅរក្សាទុកនៅអធិការដ្ឋាននគរបាលខណ្ឌដង្កោរងចាំការដោះស្រាយជាក្រោយ៕
ប្រភព៖ មាតុភូមិ
Post a Comment