ពិតជាមហាសំណាងក្នុងមួយម៉ឺនគ្រោះថ្នាក់មែន បុរសជាបុគ្គលិកនៅស្ថានីយប្រេងឥន្ធនៈម្នាក់ក្នុងរដ្ឋ Florida នៃសហរដ្ឋអាមេរិក ព្រលឹងចុងសក់ វិះនឹងបាត់បង់ជីវិតនៅក្នុងហេតុការណ៍ប្លន់ប្រដាប់អាវុធ។ គ្រាប់កាំភ្លើងមួយគ្រាប់ហោះសំដៅក្បាលពោះបុគ្គលិកលក់ប្រេងឥន្ធនៈ ដែលខ្មាន់កាំភ្លើងបាញ់ប្រុងផ្ដាច់ជិវិតនោះ បែរជាហោះមកចំSmartphone HTC នៅក្នុងហោប៉ៅ ជៀសផុតពីការបាត់បង់ជីវិតបានដូចក្នុងភាពយន្តមិនគួរឲ្យជឿ។
សមត្ថកិច្ចបានឱ្យដឹងថា បុគ្គលិករូបនោះដំបូងគ្រាន់តែត្រូវក្រុមចោរវាយតប់ បង្ករបួសប៉ុណ្ណោះ ប៉ុន្តែដោយមានការប្រតាយប្រតប់ទើប ចោរម្នាក់ក្នុងចំណោមបក្សពួក ដកកាំភ្លើងបាញ់សំដៅក្បាលពោះបុរសនោះមួយគ្រាប់ ក្នុងបំណងសម្លាប់ ដើម្បីសម្រេចគម្រោងប្លន់។ តែសំណាងល្អ គ្រាប់កាំភ្លើងទៅបះនឹងទូរសព្ទដែលស្ថិតនៅក្នុងហោប៉ៅរបស់ជនរងគ្រោះ បណ្ដាលឲ្យខ្ទេចទាំងស្រុង ប៉ុន្តែមិនបានគ្រោះថ្នាក់ដល់ជីវិតឡើយ។ អ្វីដែលហួសនិយាយនោះ គឺដំបូងឡើយបុគ្គលិកនោះមិនបានដឹងថា គ្រាប់កាំភ្លើងបាញ់ត្រូវទូរសព្ទខ្លួនឡើយ រហូតពេលលោកដកចេញពីហោប៉ៅទើបដឹង។
ដំបូងក្រុមចោរដើរសំដៅចូលទៅក្នុងស្ថានីយប្រេងឥន្ទនៈ Hess ហើយឱ្យបុគ្គលិកម្នាក់ជួយបម្រើសេវាកម្មដល់ខ្លួនដូចជាភ្ញៀវទូទៅសព្វដង។ មិនយូរប៉ុន្មាន ចោរក៏បានដកកាំភ្លើងម៉ាករ៉េវ៉ុលវែរ គម្រាមប្លន់ ដោយទាមទារឱ្យបុគ្គលិកនៅទីនោះបើកទូដែកសុវត្ថិភាពឱ្យខ្លួន។ ដោយសារបើកមិនចេញ ក្រុមចោរបង្គាប់ឱ្យបុគ្គលិកម្នាក់ទៀតមកបើក តែចុងក្រោយបើកនៅតែមិនចេញ។
ប្រភព៖ SabayNews
Post a Comment